La cultura devënta vitala, canche ara é da podëi pié ite. Te nüsc laboratori ciarunse che düc partezipëies ativamënter y sides trac ite te na manira creativa, dalunc dal pinsier dla prestaziun. Cun ligrëza y spirit d’aventöra, pëia ia i mituns y les mitans sön le iade por descurí monns nüs y antics.
Ince tratan les vijites acompagnades tl museum pó i mituns y les mitans imparé te na manira creativa la storia dles ladines y di ladins.
Nosc fin é chël da ti trasmëte ai mituns y ales mitans na odüda daverta sön la cultura y sön les porsones. I orun i ispiré da ponsé sura sön süa vita, sön le monn che i partiun cun i atri y sön la cultura incëria. Cun chësc laur orunse renforzé la (auto)cosciënza culturala di mituns y dles mitans.
I sun dla convinziun che la comprenjiun de basa nasc tres la partezipaziun ativa, porchël ti fajunse coraje ai mituns y mitans da ti ciaré al monn cun crëta, coriosité y cosciënza culturala. I stimolun sü sënsc y i ispirun a ti dé deplëgn espresciun a sües facoltés fisiches, soziales y inteletuales. Por nos n’él nia ma fondamental, da trasmëte conescënzes, mo suradöt ince da cherié n ambiënt che pois ti dé ispiraziun.
- Chiló poste desćiarié l'oferta didatica tl format PDF
Oferta didatica
Scolina
Savoste che i ladins ê y é dër de bugn artejans? Cun la vijita acompagnada fora por le Museum Ladin Ciastel de Tor te vëgnel mostré la maestria di Ladins te deplü seturs dl artejanat. I se sentun jö tla Stüa dl ciastel y i depenjun cun fantasia nosta ora de cartun, porvan fora deplü tecniches.
Che é pa Moltina? Da olá vëgnera pa? Chëstes y d’atres respostes ciafeste tratan nosc laboratore creatif de Moltina – la prinzëssa dles muntagnoles. Do na vijita acompagnada fora por le museum te cuntunse la storia de Moltina y i pastelnun düc adöm n teater cun figöres de papier che dedô poste te tó para te scolina.
Descür le Museum Ladin Ursus ladinicus! Chiló ciafeste informaziuns y al te vëgn cunté stories interessantes dles laurs di andri che á vit tl raiun de Conturines dan da plü de 50.000 agn. Te n laboratore creatif poste realisé tüa maschera dla laurs cun fëies da corusc, somënzes y atri materiai naturai.
Che é pa Ander? Ví tl Museum Ladin Ursus ladinicus a descurí la geologia dles Dolomites y la laurs di andri. Do na vijita acompagnada fora por le museum, poste jí ite cun nos tl monn de Ander, na picia laurs di andri. Dedô poste pastelné to teater cun figöres de papier.
Scora elementara
Ci é pa n depot? Na ciamena de tesurs socrëc? Na cianoa plëna de ogec magics? I fajun na roda por descurí le depot dl Museum Ladin y i ciafun n gröm de informaziuns sön la catalogaziun y la dërta conservaziun de ogec y documënc. Dedô poste tö instës porvé da cataloghé n oget.
Cun na presentaziun creativa imparunse sciöch’al é nasciü i “crëps stlauris”, ciönes che é sües particolarités y ciodí che les Dolomites é tan particolares. Por capí le prozes de fossilisaziun fajunse esperimënc, i descuriun adöm la nasciüda dles Dolomites cun n jüch Domino y i ti dun forma a nosc fossil.
Tl jüch dla ciacia ai tesurs tl Museum Ladin partiunse ite tüa classa te pici grups y i esplorun le museum cun l’aiüt de na planimetria. Tüa memoria fotografica te daidará da recordé avisa olache cer ogec é metüs, nia ma le local mo propi avisa le post tl local. Chësc é le travert dl jüch.
Conësceste la „Stüa“ ladina? Ci particolars ára pa? Cun nosta acompagnadëssa poste jí fora por le Museum Ladin Ciastel de Tor y ara te mostrará la “Stüa” ladina y les seziuns desvalies dl artejanat, te chël che i ladins á desmostré sües gran capazités ti secui passá. Dedô se sentunse jö tla Stüa dl ciastel y i arjignun ite nosta “Stüa tla scatora”.
Savoste che i ladins ê y é dër de bugn artejans? Cun la vijita acompagnada fora por le Museum Ladin Ciastel de Tor te vëgnel mostré la maestria di Ladins te deplü seturs dl artejanat. I se sentun jö tla Stüa dl ciastel y i depenjun cun fantasia nosta ora de cartun, porvan fora deplü tecniches.
Che é pa Moltina? Da olá vëgnera pa? Chëstes y d’atres respostes ciafeste tratan nosc laboratore creatif de Moltina – la prinzëssa dles muntagnoles. Do na vijita acompagnada fora por le museum te cuntunse la storia de Moltina y i pastelnun düc adöm n teater cun figöres de papier che dedô poste te tó para te scolina.
Descür le Museum Ladin Ursus ladinicus! Chiló ciafeste informaziuns y al te vëgn cunté stories interessantes dles laurs di andri che á vit tl raiun de Conturines dan da plü de 50.000 agn. Te n laboratore creatif poste realisé tüa maschera dla laurs cun fëies da corusc, somënzes y atri materiai naturai.
Che é pa Ander? Ví tl Museum Ladin Ursus ladinicus a descurí la geologia dles Dolomites y la laurs di andri. Do na vijita acompagnada fora por le museum, poste jí ite cun nos tl monn de Ander, na picia laurs di andri. Dedô poste pastelné to teater cun figöres de papier.
Scora mesana
Dolasila, la fia dl re dl rëgn de Fanes, á pordü sües set saites che ne fala mai jö. Ma cun chëstes saites éra buna da suravire zënza ferides tla proscima batalia. Podëise la daidé da chirí les set saites y ti salvé insciö la vita?
Ci é pa n depot? Na ciamena de tesurs socrëc? Na cianoa plëna de ogec magics? I fajun na roda por descurí le depot dl Museum Ladin y i ciafun n gröm de informaziuns sön la catalogaziun y la dërta conservaziun de ogec y documënc. Dedô poste tö instës porvé da cataloghé n oget.
Cun na presentaziun creativa imparunse sciöch’al é nasciü i “crëps stlauris”, ciönes che é sües particolarités y ciodí che les Dolomites é tan particolares. Por capí le prozes de fossilisaziun fajunse esperimënc, i descuriun adöm la nasciüda dles Dolomites cun n jüch Domino y i ti dun forma a nosc fossil.
Tl jüch dla ciacia ai tesurs tl Museum Ladin partiunse ite tüa classa te pici grups y i esplorun le museum cun l’aiüt de na planimetria. Tüa memoria fotografica te daidará da recordé avisa olache cer ogec é metüs, nia ma le local mo propi avisa le post tl local. Chësc é le travert dl jüch.
Savoste che i ladins ê y é dër de bugn artejans? Cun la vijita acompagnada fora por le Museum Ladin Ciastel de Tor te vëgnel mostré la maestria di Ladins te deplü seturs dl artejanat. I se sentun jö tla Stüa dl ciastel y i depenjun cun fantasia nosta ora de cartun, porvan fora deplü tecniches.
Scora alta
Vijita geologica acompagnada cun n paleontologh
- Da 14 cina 19 agn
N paleontologh acompagnará tüa classa fora por le Museum Ladin Ursus ladinicus y ves spligará döt ci ch’i desses savëi sön les Dolomites y süa nasciüda. Implü ves vëgnel stlarí cosses interessantes sura la laurs di andri, süa manira da vire é dassënn liada al ambiënt dles Dolomites.
La storia dla Ladinia: na storia fantastica!
- Da 14 cina 19 agn
Dolasila, ascognüda y incantada da secui, osservëia ci che les porsones fej tles valades ladines, sciöche i pröms iagri se sposta tles munts dles Dolomites do la dlaciaziun, sciöche i rec laora ti ciamps y sciöche i romans ocupëia le teritore… Ci nes insëgna pa la storia? Sce t’as fortüna, te cuntará Dolasila personalmënter ci ch’ara á odü! Chël foss da spavënt bel!
Do na cörta introduziun da pert de na colaboradëssa o de n colaboradú dl museum podará tüa classa esploré le museum cun l’audioguida.
Ci é pa n depot? Na ciamena de tesurs socrëc? Na cianoa plëna de ogec magics? I fajun na roda por descurí le depot dl Museum Ladin y i ciafun n gröm de informaziuns sön la catalogaziun y la dërta conservaziun de ogec y documënc. Dedô poste tö instës porvé da cataloghé n oget.
Orar, cosć y informaziuns
Le cost por l‘entrada tl museum é de €2 por studënt/studënta. Vigni ativité didatica implü vëgn €1 por studënt/studënta. I insegnanc/Les insegnantes che acompagnëia ne paia nia. Por deplü informaziuns y por prenoté les ativités, periunse bel da contaté le MusLa: